مهما كان الاختلاف بين الناس بمواصفات الجوالات وتفضيلاتهم، إلا انه ما يختلف اثنين على ان موضوع البطارية من أهم الأشياء بالجوال ولازم تطويرها وتحسينها.

الأندرويد له مزايا وعيوب من هالناحية. من جهة، الاندرويد يعطيك حرية كاملة بالبرامج وتعدد المهام وتعدد الاشياء اللي تشتغل عندك بالخلفية بنفس الوقت. يعني يكون الجوال عندك يشييك البريد، يجلب لك الأخبار على سطح المكتب، يشوف هل رد عليك احد في فيسبوك والا لا، أو حتى برامج تشتغل بالخلفية علشان تفحص الضغط الجوي وترسله بشكل مستمر للسيرفر المختص بهالبحث. لكن من الجانب الآخر للموضوع، هذا يشكل تحدي وكل هالاشياء هذي لما تشتغل بالخلفية فهي تستهلك من المعالج والذاكرة وبالتالي من بطارية الجهاز. هذا كان سبب بحثي في هالموضوع وكتابتي لهالمقال في تحسين بطارية اندرويد، وان شاء الله اقدر اقول اني وجدت حلول جدا ممتازة!
Continue reading →

في هذا المقال سأشرح طريقة تشغيل واتساب على الأجهزة اللوحية تحت نظام أندرويد. بعد ما مر علي هذا السؤال عدة مرات ايقنت انه موضوع مهم عند كثير من الناس لكن ما كان له مرجع واضح. لهذا السبب قلت خل اسوي هذا المرجع الواضح عن طريقة تشغيل الـ WhatsApp على اجهزة اندرويد Android اللوحية.

السبب الأساسي اللي جعلني ابحث وأجد هذه الطريقة، هو انه بالنسبة لي، جهاز الجوال خصصته لأقل عدد ممكن من المهام الضرورية، مثل الاتصالات والإيميل. بينما أحاول اني احول باقي الاشياء والبرامج على جهازي اللوحي التابلت بسبب كبر الشاشة وطول عمر البطارية (على فكرة، اذا كنت ما قرأت دليلي الشامل في حفظ بطارية اجهزة الأندرويد، لا يفوتك 🙂 )
Continue reading →

أخيرا صراحة تم التحويل من شركة آي تي & تي إلى شركة ستريت توك. التحويل هذا يبي يوفر علي تقريبا نصف التكاليف شهريا وغير كذا بيكون عندي مكالمات وانترنت غير محدودين!
من سنتين وانا مع AT&T والحق يقال سرعاتهم حلوة بالنت وتغطيتهم ممتازة في المنطقة اللي انا ساكن فيها. كثير من المبتعثين يستخدمونها ويفضلونها على تي موبايل. لكن الشيء اللي موب كل مبتعث يعرفه هو شركة ستريت توك. الشركة جديدة نسبيا وممكن ان هذا سبب ان المبتعثين ما انتشرت عندهم.
Continue reading →

صراحة جربت وحملت برامج ويدجيتس كثيرة على الأندرويد واشتريت بعضها من متجر الاندرويد، لكن أخيرا حصلت احسن ويدجيت تقويم. ميزة الويدجيت هذي انها تجي بشكل نظيف وخفيف جدا على سطح المكتب، وغير كذا ايضا فيها خيارات كثيرة جدا للتعديلات والتغييرات.

أحلى شيء يعجبني فيها انه كل تقويم في قوقل كاليندر عندي له لون في الموقع الأساسي، والإضافة هذي تاخذ الألوان وتحطهم زي ما هم بالموقع وهذا يرتب ويوضح جدولي بشكل كبير جدا
Continue reading →