أخيرا صراحة تم التحويل من شركة آي تي & تي إلى شركة ستريت توك. التحويل هذا يبي يوفر علي تقريبا نصف التكاليف شهريا وغير كذا بيكون عندي مكالمات وانترنت غير محدودين!
من سنتين وانا مع AT&T والحق يقال سرعاتهم حلوة بالنت وتغطيتهم ممتازة في المنطقة اللي انا ساكن فيها. كثير من المبتعثين يستخدمونها ويفضلونها على تي موبايل. لكن الشيء اللي موب كل مبتعث يعرفه هو شركة ستريت توك. الشركة جديدة نسبيا وممكن ان هذا سبب ان المبتعثين ما انتشرت عندهم.

مع شركة اي تي اند تي كنت ادفع تقريبا 100 دولار شهريا على انترنت 2 جيجا و450 دقيقة مكالمات. وللأسف ينتظرونك تتعدى الدقايق حقتك علشان يبدأ حساب الفاتورة بطريقة كل دقيقة بملغ معين… حركة وصخة!
مع ستريت توك، كل شيء غير محدود! والتكلفة الشهرية فقط 45 دولار. والتغطية تختار لما تبدأ الخدمة هل تستخدم ابراج AT&T أو T-Mobile. طبعا يعتمد على كل مبتعث ومدينته، اذا مدينتك تغطية آي تي تي عندهم احسن تاخذ شريحة ستريت توك تبع ابراج آي تي & تي والعكس.
إلغاء الخدمة من عند آي تي & تي في حالتي كانت تكلفته 100 دولار، لكن سيتم توفيرها خلال شهرين من استخدام Straight Talk.
هنا موقع ستريت توك وطريقة الطلب بسيطة جدا 🙂
http://www.straighttalk.com