حصل عندي وقت فراغ قبل فترة وقلت خل اجمع لي خلفيات جالاكسي اس 3 علشان اخلي جوالي اكشخ شوي.

الخلفيات اللي جمعتها طبعا ما كانت في الأساس للجالاكسي إس 3، لكن الطريقة فيها فكرة بسيطة وسهل فهمها ان شاء الله. الفكرة في موضوع خلفيات الاندرويد بشكل عام هو تحديد الريزيلوشن او أبعاد الشاشة للجهاز اللي تستخدمه وتبي تسوي له خلفيات شاشة. باختصار بسيط، الفكرة كلها هي في أخذ الطول بالضبط زي ما هو وأخذ ضعف طول العرض للشاشة.

السبب هو ان الأندرويد وهذا اختلاف بينه وبين الآيفون، خلفياته تنسحب معك مع سحبك للشاشة. بينما خلفية الآيفون ثابته مهما تمشيت بدرج البرامج او سطح المكتب. ناخذ مثلا جوال سامسونج الجالاكسي اس 3. ابعاد الشاشة هي 720×1280 بكسل. لما نطبق القاعدة، يبي يكون الطول نفسه للخلفية وهو 1280 بكسل بينما العرض نضربه في اثنين ويكون الناتج 1440 بكسل.

انا طبقت العملية هذي بالضبط على خلفيات كثيرة جميلة جدا وعالية الدقة، وجمعت 137 خلفية اندرويد نقاوة 🙂

هذي خلفيتين كمثال لكن فيه اكثر وأكثر:

ممكن تحميل خلفيات الجالاكسي اس 3 من هذا الرابط

وان شاء الله تعجبكم، واذا اعجبتكم وحبيتوا تنشرونها، ممكن عن طريق زر تويتر او فيسبوك تحت 🙂

سلام